Assalamu’alaikum Wr. Wb
Nuwun, nuwun, kulo nuwun. Ingkang sapindah, mangga kita
sesarengan ngaturaken raosing syukur dhumateng Gusti Allah SWT dene kita sedaya
saged makempal wonten ing adicara punika kanthi sehat wal’afiat. Mugi-mugi kita
sedaya tansah pinayungan dening Pangeran Satemah ambabar rahayu wilujeng
lumebering sedayanipun. Para sepuh, para rawuh kakung putri ingkang luhur ing
budi. Nyuwun pangapunten menawi kula paripeksa nggempil kamardhikan panjenengan
sedaya, saprelu kula matur wonten ing ngarsanipun bapak agung subani
sakulawangsa. Para rawuh sedaya, kula Eilena Salsabila minangka talang aturipun
Bapak Supriyadi sakulawangsa ingkang kula bekteni.
Ingkang kaping kalih, kula ngaturaken sugeng rawuh ugi salam
taklim dhateng Bapak Arifin sakulawangsa. Kula kadhawuhan ngaturaken
amanat saking Bapak Supriyadi inggih menika bil qauli Assalamu’alaikum wr. Wb,
kula tampi pasrahipun calon temanten kakung Arya Wiguna putranipun Bapak Arifin lumantar Dian Dwi Safitri ingkang sampun sarembag badhe kadhaupaken
kaliyan Putri Hayati putra putrinipun Bapak Supriyadi lumantar kula Eilena
Salsabila. Pramila Dian Dwi Safitri saged ngaturaken amanah punika. Mugi-mugi
saged dados kaluwarga ingkang sakinah mawadah warahmah. Wusana cekap semanten,
menawi wonten atur kula ingkang lepat, kula nyuwun agunging pangapunten,
mugi-mugi mboten ndamel renaning penggalih panjenengan sedaya. Maturnuwun, Wassalamu’alaikum Wr. Wb.
Tidak ada komentar:
Posting Komentar